As in the example of our document in ancient Hebrew, this modern Hebrew equivalent, comprised of the same text of Genesis 1:1 thru Genesis 2:4, is presented below in seven "text units."

You will note that, for the purpose of easy comparison, the seven text units in this modern Hebrew example are matched in the ancient Hebrew example line-for-line in each text unit, as well as letter-for-letter in each line of each text unit.


TEXT UNIT 1 OF 7

Prologue (Genesis 1:1 - 1:2)
gap
Day One (Genesis 1:3 - 1:5)
gap
Day Two (Genesis 1:6 - 1:8)


בראשׁית ברא אלהים
את השׁמים ואת הארץ

והארץ היתה תהו ובהו
וחשׁך על פני תהום
ורוח אלהים מרחפת על פני המים

ויאמר אלהים יהי אור ויהי אור
וירא אלהים את האור כי טוב
ויבדל אלהים בין האור ובין החשׁך
ויקרא אלהים לאור יום
ולחשׁך קרא לילה
ויהי ערב ויהי בקר
יום אחד


ויאמר אלהים יהי רקיע בתוך המים
ויהי מבדיל בין מים למים
ויעשׂ אלהים את הרקיע
ויבדל בין המים אשׁר מתחת לרקיע
ובין המים אשׁר מעל לרקיע
ויהי כן
ויקרא אלהים לרקיע שׁמים
ויהי ערב ויהי בקר
יום שׁני






TEXT UNIT 2 OF 7

Day Three (Genesis 1:9 - 1:13)
gap
1st Two Lines of Day Four (Genesis 1:14a)


ויאמר אלהים יקוו המים
מתחת השׁמים אל מקום אחד
ותראה היבשׁה
ויהי כן
ויקרא אלהים ליבשׁה ארץ
ולמקוה המים קרא ימים
וירא אלהים כי טוב
ויאמר אלהים תדשׁא הארץ דשׁא
עשׂב מזריע זרע
עץ פרי עשׂה פרי למינו
אשׁר זרעו בו על הארץ
ויהי כן
ותוצא הארץ דשׁא
עשׂב מזריע זרע למינהו
ועץ עשׂה פרי אשׁר זרעו בו למינהו
וירא אלהים כי טוב
ויהי ערב ויהי בקר
יום שׁלישׁי


ויאמר אלהים
יהי מארת ברקיע השׁמים






TEXT UNIT 3 OF 7

Remainder of Day Four (Genesis 1:14b - 1:19)
gap
1st Three Lines of Day Five (Genesis 1:20a)


להבדיל בין היום ובין הלילה
והיו לאתת ולמועדים
ולימים ושׁנים
והיו למאורת ברקיע השׁמים
להאיר על הארץ
ויהי כן
ויעשׂ אלהים את שׁני המארת הגדלים
את המאור הגדל לממשׁלת היום
ואת המאור הקטן לממשׁלת הלילה
ואת הכוכבים
ויתן אתם אלהים ברקיע השׁמים
להאיר על הארץ
ולמשׁל ביום ובלילה
ולהבדיל בין האור ובין החשׁך
וירא אלהים כי טוב
ויהי ערב ויהי בקר
יום רביעי


ויאמר אלהים ישׁרצו המים
שׁרץ נפשׁ חיה
ועוף יעופף על הארץ






TEXT UNIT 4 OF 7

Remainder of Day Five (Genesis 1:20b - 1:23)
gap
1st Seven Lines of Day Six (Genesis 1:24 - 1:25a)


על פני רקיע השׁמים
ויברא אלהים את התנינם הגדלים
ואת כל נפשׁ החיה הרמשׂת
אשׁר שׁרצו המים למינהם
ואת כל עוף כנף למינהו
וירא אלהים כי טוב
ויברך אתם אלהים לאמר
פרו ורבו ומלאו את המים בימים
והעוף ירב בארץ
ויהי ערב ויהי בקר
יום חמישׁי


ויאמר אלהים תוצא הארץ
נפשׁ חיה למינה
בהמה ורמשׂ וחיתו ארץ למינה
ויהי כן
ויעשׂ אלהים את חית הארץ למינה
ואת הבהמה למינה
ואת כל רמשׂ האדמה למינהו





TEXT UNIT 5 OF 7

Day Six, continued (Genesis 1:25b - 1:29a)



וירא אלהים כי טוב
ויאמר אלהים נעשׂה אדם
בצלמנו כדמותנו
וירדו בדגת הים
ובעוף השׁמים
ובבהמה ובכל הארץ
ובכל הרמשׂ הרמשׂ על הארץ
ויברא אלהים
את האדם בצלמו
בצלם אלהים ברא אתו
זכר ונקבה ברא אתם
ויברך אתם אלהים
ויאמר להם אלהים
פרו ורבו ומלאו את הארץ וכבשׁה
ורדו בדגת הים
ובעוף השׁמים
ובכל חיה הרמשׂת על הארץ
ויאמר אלהים
הנה נתתי לכם את כל עשׂב
זרע זרע






TEXT UNIT 6 OF 7

Day Six, concluded (Genesis 1:29b - 1:31)


אשׁר על פני כל הארץ
ואת כל העץ אשׁר בו פרי עץ
זרע זרע
לכם יהיה לאכלה
ולכל חית הארץ
ולכל עוף השׁמים
ולכל רומשׂ על הארץ
אשׁר בו נפשׁ חיה
את כל ירק עשׂב לאכלה
ויהי כן
וירא אלהים את כל אשׁר עשׂה
והנה טוב מאד
ויהי ערב ויהי בקר
יום השׁשׁי






TEXT UNIT 7 OF 7

Conclusion (Genesis 2:1 - 2:3)
gap
Colophon (Genesis 2:4)


ויכלו השׁמים והארץ וכל צבאם
ויכל אלהים ביום השׁביעי
מלאכתו אשׁר עשׂה
וישׁבת ביום השׁביעי
מכל מלאכתו אשׁר עשׂה
ויברך אלהים את יום השׁביעי
ויקדשׁ אתו
כי בו שׁבת מכל מלאכתו
אשׁר ברא אלהים לעשׂות

אלה תולדות השׁמים והארץ
בהבראם
ביום עשׂות יהוה אלהים
ארץ ושׁמים





Note, for easy comparison with the ancient text equivalent, the highlighed tetragrammaton in the above colophon.


Oldest Language